Mga sikat at batikan sa larangan ng pag-arte ang unti unti nawawala sa kamera ang ilan ay tuluyan ng namaalam sa ating mundo. Ngunit may isang batikang aktor na malaki ang kontribusyon pagdating sa pag-arte ang minsan nagbigay sa atin ng saya at ligaya. Sa kanyang talento na minsan niyang naibahagi sa atin maging sa sports na naging tulay upang tuluyan siyang makilala sa bilang mahusay na kontrabida sa pinilakang tabing.
Siya si Francisco Bustillos Diaz Sr. o mas kilala sa screen name na Paquito Diaz na ipinanganak noong Mayo 28, 1937. Si Paquito ay tubong Arayat, Pampanga at ang kanyang mga magulang ay Maria Bustillos at Silvino Diaz na pawang may mga lahing Mexicano at Amerikano. Siya din ang ama ng mga artistang sina Joko Diaz at Cheska Diaz na pawang nagmana ang mga ito kanyang talento sa pag-arte.
Si tito Kits na bansag ng iilan ay isang mahusay na aktor na kung saan iba’t ibang talento ang naipakita nito sa showbiz, hindi lamang magaling na aktor bilang kontrabida, magaling din itong komedyante na syang makikita mo naman sa kanyang mga pelikula. Lalo mas nakilala ang batikang aktor ng maging kontrabida ito sa bawat pelikula ng kanyang matalik na kaibigan na si FPJ o Fernando Poe Jr.
Sa bawat gagawing pelikula ni FPJ hindi maaaring walang Paquito Diaz na gaganap bilang kontabida, sa pamamagitan ng kanilang tandem umusbong lalo ang karera ni tito kits. Ito ang nagbigay pa sa kanya ng maraming proyekto na siyang naging dahilan upang mabansagan hari ng kontrabida ng pelikulang pinoy.
Ngunit alam niyo ba? kung paano talaga napasok sa showbiz si Paquito, Ito ay dahil sa husay nito sa paglalaro ng basketball katuwang nito ang isa pang mahusay na kontrabida at kanyang kapatid na si Romy Diaz, sa paaralan ng FEU nakilala ang husay ng Diaz brothers pagdating sa usapang basketball na minsan din naging bahagi sila ng tatlong sunod na kampeonato ng paaralan.
At ng minsan may pelikulang gagawin ay napasama si Paquito sa paggawa nito ang kauna-unahang pelikula na may pinamagatang “Mr. Basketball” dahil ang kanya palang teamate na si Sergio Santiago ay isang direktor. Sa nasabing pelikula nabigyan lamang siya ng maliit na role dahil ang talagang bida dito ay si Bob Soler.
Nagpatuloy ang pagiging popular ni Paquito ngunit sa hindi inaasahan bigla na lamang ito nawala sa sirkulasyon ng pag-arte at ang naging dahilan pala ang pagkakaroon nito ng karamdaman na kung saan nasimot ang kanyang mga naipundar upang maipagamot ang nararamdaman nito. Kasabay nito ang paglamlam din ng pelikula sa ating bansa at madalas na sa telebisyon na lamang ang palabas dahil na rin sa pag-usbong ng mga teleserye.
Dahil sa sakit hindi na makita ang matipunong kontrabida ang dating matikas na pangangatawan ay lumaylay at ang mga matang mabilasik ay malamlam, ang kanyang bigoteng napakaangas ay naglaho. Di kalaunan tuluyan ng namaalam ang ating pambansang kontrabida, sa edad na 78 noong March 3, 2011 ay pumanaw na ito. Hindi na rin kinaya ng kanyang katawan ang labis na panghihina na dulot ng kanyang karamdaman.
Sa totoong buhay ang maangas at kinaiinisan ng lahat sa pelikula ay isang mabait na asawa at mapagmahal sa kanyang pamilya’t mga kaibigan. Ngayon ang ibang kabataan marahil hindi na naaalala ang kanyang tikas ngunit sa puso ng karamihan mananatili ang minsan pagbibigay niya ng saya at aliw sa ating mga Filipino.