Isang grupo ng kabataan ang pinuri online sa kanilang munting kabayanihang ipinamalas, matandang inabandona ng pamilya kanilang sinalolohan.  Ang kabataan mula sa Caloocan City ang naging daan upang mabigyan ng maayos na damit at pustura ang isang matandang 70 anyos at wala ng pamilya.

Isang araw sa kanilang nakarinig ang grupo ni Shawn Mendoza ng ingay na tila ba umiiyak, kanila itong hinanap at ng matagpuan. Ang matanda ay walang saplot panay sugat at umaaray sa sakit. Nang makita ang sitwsyon agad itong tinulungan ng mga kaibigan ni Shawn at binihisan.

Ayon sa mga ito ang nasabing matanda ay inabandona ng kanyang pamilya, 70 anyos na ito at dalawang beses na umanong inatake sa puso. Agad naman din inihingi ng tulong ng grupo ni Shawn ang matanda online ng sa ganun kahit papaano ay matulungan ito. Hindi naman nabigo at kahit papaano may ibang nagbigay ng tulong sa mga ito.

Narito ang kabuuan ng post mula kay Shawn Mendoza; “Oct.10, 2022. Around 2PM ng hapon, nakatambay kaming magkakaibigan sa isang tindahan sa Katuray st. ng barangay 179 Amparo, Caloocan City.

Sa gitna ng kwentuhan namin ay may narinig kaming matandang pasigaw ang salita at umaatungal sa sakit. Humihingi ito ng softdrinks ngunit wala kaming mahanap na pagbibilhan, kaya tubig nalang ang binili namin.

No’ng una ay gusto pa naming matawa dahil akala namin ay isa lang itong normal na tao at lasing lang. Ngunit nang oras na lumapit kami para iabot ang tubig at para makita na rin siya ng malapitan ay doon na bumungad ang isa sa pinaka nakakalungkot na eksenang pwedeng makita ng dalawa naming mga mata. Sobrang nakakalungkot at nakakabigla. Nakahilata siya sa sahig ng walang saplot pang-ibaba, puno ng mga sugat at nababalot siya sa sarili niyang dumi mula talampakan pataas hanggang sa ulo.

At sa punto ngang iyon, wala talaga kaming ibang nasa isip kundi mga katanungan. Kaya’t habang pinapainom namin siya ng tubig ay sinubukan namin siyang kausapin, tanungin sa kung bakit nagkaganoon ang kalagayan niya, kung may may nag-aasikado ba sakanya, o kung asaan naba ang pamilya niya. At sa mga sandali ngang iyon ay puro lang kami tanong, willing din naman siyang sagutin ang mga tanong namin at eto nga ang mga bagay na nalaman namin tungkol sa kaniya.

Siya si ARMANDO VILLOTA, 7O+ years old at nagkaroon ng stroke dalawang beses, hiwalay sa asawa’t mayroong tatlong anak, isang lalaki at dalawang babae at lahat silang tatlo ay napagtapos niya sa magagandang skwelahan at sa ngayo’y lahat sila’y nasa ibang bansa na. Hindi namin sigurado kung nasa Canada ba lahat ng anak niya, pero ang sigurado kami nasa ibang bansa silang lahat.

Si tatay Armando ay may mga anak ngunit ang nakakapagtaka dito ay pawang nasa ibang bansa ang mga ito, ngunit bakit ganito ang naging kalagayan ni tatay.

Sobrang daming dumadanas ng hirap sa panahon ngayon, marami sa ating kababayan ang dumadaing ngunit ano pa nga ba ang ating magagawa kung patuloy lamang sa pagdaing hanggang kumalam ang sikmura. Hindi ba mas kinakailangan kumilos at magbanat ng buto kaysa walang maihatag na pagkain sa lamesa.

Maraming trabaho kung tutuusin ngunit kailangan mong magtyaga upang makasungkit man ng isa, marahil sa dami ng taong nag-aaplay at iilan lamang sa kompanya ang natatanggap. Ngayon kung hindi mo pa ito kikilusan at mananatili kang nakaupo lalong walang mangyayari sa ating buhay..

Kaya naman minsan naibahagi ng netizen ang isang may kapansanan na delivery rider ngunit patuloy ang patas na paglaban nito sa buhay ay marami ang nahabag ngunit sa kabila naman nito ay napahanga dahil na rin sa kabila ng kanyang kakulangan dinaig pa nito ang isang normal na tao kung magtrabaho.

Kaya naman sa post ni Arvril labis at taos puso ang paghanga nito sa  matandang delivery rider na hindi na pinangalanan. Bagaman makikita sa larawan na ang paa ni tatay ay isang bakal o maaaring prostetic na. Sa hindi malaman kadahilanan, kung ano ang nangyari sa kanyang paa. Nanaig pa rin sa iilan ang paghanga sa matandang delivery rider.

Umani ng papuri at magagandang komento ang rider, kulang man ang bahagi ng pangangatawan nito buo naman ang puso at hangarin nito matustusan ang pangangailangan ng kanyang pamilya.

Kaya sana ang isang simpleng post na naibahagi ni Avril ay magbigay inspirasyon sa karamihan lalo na sa mga taong nawawalan ng pag-asa sa buhay.  Narito ang kabuuang post ni Avril “Shout out kay tatay na napahanga ako ngayong araw. Eto ang tunay na masipag at madiskarte, lumalaban sa buhay kahit mahirap ang panahon ngayon dahil sa pandemic. Saludo ako sayo tatay kahit na ganyang kalagayan mo hirap ka maglakad diretso kpa din sa pag tatrabaho, kung mapapansin nyo po bakal po ang kaliwang side ng paa ni tatay, kaya hirap po sya tumayo at kahit mabgat po ang pinadeliver ko na dimsum di po sya nag cancel di ko din po kase expected na ganun po kalagayan ni tatay. Basta tatay salute ako sayo.”

Bilang estudyante hindi lamang pag-aaral ang iniintindi nariyan din ang iba pang suliranin sa buhay kaya naman kung minsan napapabayaan narin ang pag-aaral. Lalo sa panahon ngayon maraming mag-aaral ang dumadanas ng pagsubok dahil na rin sa mga nakaraan krisis na kinakaharap ng ating mundo. Bukod pa dito ang hirap ng buhay kung saan minsan wala na maitustos sa pag-aaral kung may kinakailangan sa paaralan.

Hindi natin alam ang bawat pinagdadaanan ng mag-aaral sa kanilang buhay, may ibang sobrang masalimuot kaya naman hindi na rin nagagawang makapag-aral o maging handa pagdating sa paaralan. Kaya naman minsan na naging laman ang larawang ipinost ng isang guro. Ayon sa kanya ang ibinahagi niyang post sa socmed ay para lamang makapagbigay ng appreciation sa iba’t ibang uri ng mag-aaral lalo na sa isa niyang estudyante.

Sa panahon ng pagsusulit ng mga ito ay walang naisagot ang bata sa takdang pagsusulit subalit mayroon itong iniwan na kataga sa kanyang papel at ang sabi “Sorry po Sir, hindi po ako nakapag-review at ayaw ko po mag-cheat kaya wala po ako sagot (sad emoji) please appreciate”.

Ang mga katagang ito ang tumanim sa kanyang damdamin kaya imbes na makagalitan nito ang bata ay nabigla pa umano sa kanyang nakita. Dahil para kay teacher “VALUES is more important than having a HIGH GRADES with me”. Persepsyon ko po yon, yun po ako.

Ang tunay pala na rason ay dahil wala ang bata noong araw na naglesson sila patungkol sa pagsusulit na iyon. Ayon pa kay teacher inabisuhan naman niya ang lahat ng kanyang estudyante na mag-aral ngunit laking gulat na lamang niya kung bakit alam ng bata na mayroon silang pag-susulit.

Kalaunan napag-alaman ni Teacher ang tunay na rason ng pagliban ng bata, ito’y sa kadahilanang naaksidente pala ito sa hindi malamang dahilan. Ang naging pagtugo ng guro sa kanyang mag-aaral ang kinabiliban ng mga netizen ganun din ang pagiging matapat ng bata sa kanyang sarili. Kung ating iisipin bibihira nga naman ang ganitong pangyayari na maging tapat ka sa iyong sarili sa oras ng pagsusulit. Ang kakatotohan sa mga ganitong sitwasyon ay hindi mo hahayaan maging blanko ang iyong papel at gagawa ng paraan may maisagot lamang dito kahit na kaunti.

Saludo at papuri sa batang mag-aaral at sa kanyang guro na hindi inuna ang emosyon bagkus namutawi sa kanyang damdamin ang pagiging mahinahon at inalam muna ang katotohan sa likod ng hindi magandang pangyayari.

Sa panahon ngayon kailangan ng matinding diskarte at lakas ng loob upang mabuhay, kung ayaw mong magutom at maiwan na dilat ang mata kinakailangan mo ng dobleng kayod. Ngunit kung minsan sadyang hindi maiiwasan na may mga taong masama ang intensyon sa kanilang kapwa. Kung sino pang lumalaban ng patas at nakikipagtunggali sa kahirapan sila pa itong ginagawan ng kabulastugan ng ilan nating kababayan.

Tulad na lamang ng nangyari sa isang matandang bulag na tindero sa bangketa sa lugar ng Barangay Basak, Lapu-Lapu City. Ang kinilalang vendor ay si Sabdullah Amantar na kahit na may kaidaran na ito at may problema sa paningin patuloy ang pakikibaka at paglaban ng patas upang mabuhay.

Sa gitna ng kainitan kamakailan sa nasabing lungsod ng Lapu Lapu City, binayaran si tatay ng isang mamimili ng pekeng isang libo ng taong nakamotorsiklo na bumili dito. Ayon sa kwento ng concerned citizen na nagbahagi ng pangyayari, Namili daw ito kay tatay sa halagang P100 piso at nagbayad ng isang libo P1000 agad naman itong sinuklian ng matanda ng halagang P900, ngunit kalaunan napansin ng nasabing citizen na peke ang ibinayad kay tatay kaya naman agad niya itong ipinaalam sa matanda at ibinahagi sa kayang socmed account para maging paalala sa iba.

Ayon sa mismong nakasaksi “naka motor yung bumibili saka napansin ni girl fake yung money yun lng po,” kwento nito. “naka blotter na pero wala pang balita kung nahuli na kasi po hindi naman masyado klaro yung cctv,” dagdag pa niya.

Sa pangyayaring ito agad naman bumuhos ang tulong kay tatay maging ang kanilang Mayor na si Mayor Junard “Ahong” Chan ay nagpahatid na rin ng tulong bukod sa pangako nitong makukulong ang kawatan kung ito ay mahuhuli. Sa ngayon patuloy pa rin ang pagtitinda ni Tatay sa kanyang pwesto.

Sa kabilang banda, ang socmed post ng JnE Famblog ay umabot sa maraming netizens. Sa nasabing larawan may kalakip din itong GCash number ni tatay kaya naman laking gulat ng mga ito sa dami ng nagpadala ng tulong halos umabot sa mahigit 30K ang pera nito. Ganunpaman nagpahatid ng pasasalamat ang anak ni tatay sa mga tumulong dito, ayon pa dito ang ilang bahagi na nalikom na halaga ay itatabi nila sa bangko at ang iba naman ay gagamitin ng mga ito sa pagtitinda ni Tatay.

Sa panahon ngayon kinakailangan mo talaga ng masusing diskarte, sa hirap ng buhay hindi pwedeng nakatunganga ka lamang at walang ginagawa kung hindi mamatay ka ng dilat. Kaya naman kahit na matanda ay kinakailangan maghanap-buhay may mailaman lamang sa tiyan nito.

Kaya naman ang mga taong natulong sa mga kapos sa buhay ay itinuturing na bayani, bihira na sa ating ang gumawa ng mabuting asal lalo na sa mga taong lubos na nangangailangan. Ngunit sa isang banda may mga tao pa rin naman na bukal sa kalooban ang pagtulong.

Kamakailan lamang sa social media account ng isang gobernador sa lugar ng Bulacan naibahagi nito ang kabutihang ginawa ng isang pulis sa isang matandang naglalako ng saging sa gitna ng kalsada. Mainit at maalinsangan ang panahon at hindi magandang magbabad sa kainitan ng araw dahil na rin nauuso ang tinatawag nilang heatstroke. Delikado pa ito lalo na sa isang matanda.

Sa nasabing post makikita kung paano tinulungan ng isang pulis ang matandang naglalako ng saging, pinakyaw nito ang lahat ng paninda ni Lolo upang makauwi na ng bahay. Marahil batid ni Police officer Jojo Paguia na delikado ang init na dulot sa panahong iyon, lalo pa may kaedaran na rin ang matandang nakita nito.

Kaya namana ng mga netizens napahanga sa ginawa ng Pulis, umani ito ng papuri at magagandang komento sa mga nakabasa ng nasabing post ni Gobernor. Hindi lamang ang pagpakyaw sa paninda ni Lolo ang ginawa nito, nagpaabot pa rin ito ng karagdagang tulong para kay Lolo. Pinayuhan din nito ang matanda na lubhang delikado para sa kanya ang maglako sa ganitong klaseng panahon.

Salamat sa mga taong tulad ni Police officer Jojo Paguia na siyang tunay may malasakit sa kapwa. Kaya huwag natin husgahan ang ilang kapulisan sa ating bansa, hindi naman lahat ay tulad ng mga napapabalita o inaakala nating may masamang gawain.

Madalas tayong nakakakita ng asong pagala-gala sa kalye, ilan pala sa mga ito ay may kaakibat na kwento at hindi lahat ay sadyang palaboy lamang o ang tinatawag na askal. Ang aso ang itinuturing na man’s bestfriend lalo na noong panahon ng pandemya sila ang naging kaagapay sa ating tahanan upang mawala ang mga isipin natin.

Ngunit kamakailan ay may isang nakakahabag na istorya ang naibahagi sa social media ng isang netizen na si Nicole, ayon sa kanyang Twitter post may nakita siyang asong nakatali o abandonado aso at nakatali sa isang bahagi ng Mandaluyong City Hall. Kaugnay nito may nakalakip itong sulat na nakaipit sa bandang leeg nito sa mismong tali.

Sa larawan ibinahagi ni Nicole nakalakip ang isang punit na pirasong notebook na papel at may nakasulat na “kuya/ate kung sino po ang makabasa nito sana po alagaan nyo po ng maayos ang aso ko” “Kaya kopo ginawa ito dahil lagi nagagalit si mama sakanya hindi ko man kagustuhan.”
“Sorry PANDA”

Panda ang pangalan ng asong inabandona, maaaring nakarating na sa tunay na may-ari ang nangyaring ito. Nakakaantig sa damdamin ang nakasulat sa pirasong papel at marami din sa mga netizen ang nakisimpatya dito.

Kalaunan ang asong si Panda ay inilagak sa Philippine Pet Birth Control Center Foundation sa may Boni Avenue. At pakiusap ni Nicole sa mga nais mag-ampon kay Panda maaari nila itong puntahan sa nasabing foundation. Ilang netizen naman ang nakapaghati simpatya matapos mabasa ang maramdaming sulat at nagpabatid na nais nilang ampunin ang asong si Panda.

{via}

Iba iba ang kapalaran na kaakibat ng isang tao o kaya ang swerteng nakakapit dito, may ilang istorya na rin tayong naitampok patungkol sa mga nakukuhang mamahaling bagay o di kaya naman pera sa mga Ukay Shop.

Ang Ukay-ukay na nagsimulang sumibol noong dekada 90’s sa ating bansa ay siyang naging puntahan ng mga taong walang wala sa buhay upang makabili ng mumurahing dami o mga gamit ngunit mapapakinabangan pa. Dahil na rin sa ganda ng kalidad na nakukuha dito, marami ang nahuhumaling dito.

Kaya naman sa paglipas ng panahon magpahanggang ngayon ay sumibol ito ng husto at naging usap-usapaan maging sa senado ang ganitong klaseng negosyo. Halos saan man panig ng ating bansa ngayon ay may ukayan, naging negosyo na rin ito ng ilang kolektor dahil nga naman sa mga nabebentang bagay dito ay may tatak o mamahalin.

Samantala isang kababayan natin mula sa Dumaguete ang sinuwerte sa nakuhang gintong alahas sa nabili nitong ukay, noong una hindi ito makapaniwala at inakalang peke ito ngunit kalaunan nagulat na lamang si Alvin Piñero Balbon ang lalaking bumili sa ukay sa presyo ng nasabing kwentas.

Kaya naman nabalibid ang ilan netizens dahil sa halagang Php 180 na jacket, nagkaroon pa ito ng instant 18 karat gold na kwintas. Ayon pa kay Alvin hindi niya akalain na tunay ito dahil nga naman kung minsan may mga jacket na may kaakibat na palamuti. Ngunit kakaiba ito noong kanyang labhan ang nasabing jacket may nakapa siyang mabigat at iyon na nga kwintas sa loob ng bulsa nito.

Agad naman pinasuri ni Alvin ang nasabing ginto at laking gulat na lamang nito ng sabihin ng alahero na tumitimbang ito ng 87grams at nagkakahalaga ng mahigit na 93K o siyampong libong piso kung isasanla niya ito. Pero hindi pa pala dito natatapos ang kwento dahil muli niya itong ipinasuri at laking gulat niya na mas triple pa ang presyo nito sa nauna.

Umaabot sa 278K ang halaga nito kaya naman maraming netizen ang napa SANA OL na lamang ng malamang ang kwento ni Alvin na kumalat naman agad sa mga socialmedia. Samantala narito ang kabuuan ng post ni Alvin;

Mga marites, nalimot jud kog chika nga gahapon nangukay okay-okay ko, tanto nakong pili pili naa koy naganahang jacket, di man kuspaw tan awon ako rapod gi bayran dayon. Ganiyang buntag akong gilabhan, nya lain man ko manglaba kay ako mang pangko.oton ang bulsa naa bay mga papel or tissue kay magkalat-kalat nyas washing machine, pag ko-ot nako naa may necklace, kaengun rapod kog bling bling, sa tanto nakong tan.aw maela raman ang tinoud or fake, mura mag tinuod, sa akong pagka diskompyado akong gi pa appraise sa Palawan pawnshop, niana nga 87 grams dayong 18 Karats, niana ko na pila poy prenda ani nya niana nga 93,700 sir,.. Hehe, murag na swertehan ko da sa jacket na tag 180. Nya pag post nako naa may ni ingun na gamay ra ang dawats Palawan, akong gisulayan sa Cebuana, medyo dako dako na ilang dawat, Perte dako.a jud. Hahaha Praise to God.

Sa ngayon ipinapasalamat na lamang ni Alvin ang kanyang swerteng natanggap, marahil kaloob na rin ito ng panginoon sa kanya. {via}