Wala ng hihigit pa sa kasiyang mararamdaman ng isang magulang kung makikita nitong magtatapos ang kanilang anak sa pag-aaral. Kasabihan nga nang maraming magulang “Anak ang edukasyon lamang ang maipapamana ko sa’yo, kaya magtapos ka ng pag-aaral mo”. Mga katagang palagi mong maririnig sa iyong magulang dahil para sa kanila wala man malaking halaga o bagay na maipapamana sa anak, sapat na ang mabigyan ang mga ito ng tamang edukasyon na siyang magagamit sa pagdating ng araw.
Sa isang graduation album post sa social media ni Mark Bonnie Salado Wata mababatid ang isang halimbawa ng isang magulang na labis ang kasiyahan sa pagtatapos ng kanyang anak. Pumukaw ng atensyon ang isang larawan na mula kay Mark kung saan kuha nila ito ng kanyang ina habang nasa araw ng pagtatapos ang binata.
Mababanaag sa nasabing candid shot ang isang ina na tila ba hindi masambit ang labis na kasiyahang namumutawi sa kanyang puso. Nakatitig sa kanyang anak habang ang binata ay abot ang ngiti waring sayang-saya sa araw na ding iyon. Si nanay na halos masayang masaya sa kaganapan para sa kanyang anak na si Mark.
Sobrang proud na ina sa kanyang anak, ito na rin ang isa pagsasalarawan na ang pagmamahal ng isang ina sa kanyang anak ay wagas at tila walang kapantay. Maraming netizen ang nagpahatid ng papuri at nakakainspirang mensahe sa post ni Mark.
Marahil ang larawang ito ay naghatid din ng mensahe sa maraming kabataan na dapat mag-aral tayo ng mabuti dahil ito ay isa sa kayamanan hindi kailanman mananakaw sa atin. At sa araw ng pagtatapos natin sa paaralan, isa na ito sa regalong maibibigay natin sa ating mga magulang mula sa kanilang mga sakripisyo sa atin.