Noon pa man, ang pagkalat ng tsismis ay pangkaraniwan lalo na sa isang magkakapit-bahay. Dahil dito, ang tsismis ay naging pangunahing ugat at dahilan ng pag-aaway ng mga magkakapit-bahay at maging ng mga kaibigan. Ito ay dapat na magsilbing isang mahigpit na babala sa mga taong gustong magkalat ng tsismis, iwasan ang gawaing ito o di kaya makukulong ka sa loob ng 12 taon.
Ayon sa batas ng Article 364 ng Revised Penal Code o tinatawag ding Intriguing Against Honor, ang isang nagkakalat ng tsismis o maling impormasyon ay maaaring mag-multa na higit kumulang P50,000 at dagdag pa dyan ang 6 na taong pagkakakulong. Ganyan ang maaaring maging kaparusahan ng isang napatunayang nagkasala.
Ayon kay Senador Loren Legarda, ang may-akda ng panukalang batas, ang dating parusa ay P200 at 30 araw na pagkabilanggo. Ngunit sa bagong batas na ito ay sumasaklaw sa sinumang tao nagpakalat ng intriga na may layunin sirain ang reputasyon ng ibang tao. Kasama na rin sa batas na ito ang mas mataas na parusa at pagkabilanggo sa mga nahuli at mapatunayang lalabag dito.
Nais ni Legarda na itaas ang parusa ng “incriminatory machination” mula sa nakaraang 6 araw hanggang 6 na buwan na pagkabilanggo o sa 6 na buwan hanggang 12 taon sa bilangguan. Ang kasalukuyang parusa na nakasaad sa batas para sa mga taong nahuli na lalabag dito ay hindi sapat para sa pinsala sa kanilang biktima. Samakatuwid napakahalaga na ituloy ang isang matinding parusa sa mga taong napag-alaman na nagkakasala.