Tunay nga ang kasabihan na kung may mangyayaring hindi maganda sa amo ng isang aso ay mauuna pa itong magbuwis ng buhay para mailigtas sa kapahamakan ang kanyang amo. Simula noon pa man tinagurian ng Man’s Bestfriend ang aso o madalas na tawag ay si bantay marahil sa pagiging madalas nitong maiwanan sa bahay. Ngunit sa paglipas ng panahon hindi na ganito ang naging kaugalian, ngayon na nasa modernong panahon na tayo madalas na kasa-kasama pa natin ang ating mga alagang hayop sa mga lakad o pamamasyal.

Maging sa mga mall, madalas na rin tayong makakakita ng aso o pusa dito. Ngunit kung minsan nakakalungkot lamang isipin na ang mga ito ang siya pang magliligtas sa ating buhay. Hindi na bago ang pangyayaring ganito, may mga ilan kaganapan na rin ang napabalita na may ganitong karanasan.

Tulad ng pangyayaring ito sa post ni Gemini Traya Aligato sa kanyang socmed account, ayon sa pangyayari kasalukuyang naghahanda ang kanyang kapatid para lamay ng kanyang ina ngunit ng bigla na lamang itong sumigaw at nakuryente na pala. Agad naman dumating ang kanilang alagang aso nang dagliang dinambahan at kinagat ang alambreng hawak ng biktima. Makikita sa larawan na kagat pa ng aso ang alambreng dinadaluyan ng kuryente.

Nakaligtas naman ang mga amo ng bayaning aso ngunit ang nakakalungot na parte sa lahat ay hindi nakaligtas ang nasabing aso. Marahil ito ang sinasabi sa isang kasabihan, ganunpaman mabuting tanggapin na lamang ang katotohanan. Kaya paalala na rin sa lahat na habang nabubuhay pa ang ating mga alaga ay itrato ito ng maayos.

Sa ngayon umulan ng papuri sa ginawang kabayanihan ng asong nasawi at marami ang nagpaabot ng pakikiramay sa asong minsan ng tinaguriang Bayani.

Iba talaga ang pagmamahal ng isang ina para sa kanyang ina, gagawin nito ang lahat para maitaguyod ang pamilya lalo na kung isa itong single mom. Kaya ang post ni Miranda Ramos sa kanyang socmed account ay umagaw pansin ang isang matandang single mom na sa edad 52-anyos ay patuloy pa rin ang pagtratrabaho kahit na ito ay isang PWD.

Ang tindera sa isang burger stand ay si Aling Agnes Perez 52-anyos na PWD gawa ng kanyang cleft pallet at taga Mexico Pampanga. Mayroon siyang tatlong anak at hiwalay na sa asawa. Ayon sa kwento ni Miranda, galing sila noon sa isang hospital ng maisipan bumili sa isang convinience store ngunit sa hindi inaasahang pangyayari sa isang burger stand ang mga ito napadpad at doon nga nila nakilala si Aling Agnes.

Sa madaling salita kaunting kwentuhan kay ateng tindera hanggang sa maitanong nila kung magkano ang sinasahod nito, laking gulat ng grupo nila Miranda ng malaman ang sahod nito ay nasa P200 lamang at sa loob ito ng 12-oras na pagtratrabaho. Ang tirahan pa ng nasabing tindera ay sa Mexico, na siyang gumagasta ng pamasahe na 80 pesos kada araw dagdagan mo pa ito ng pagkain. Sa puntong iyon nakakapanlumo naman talaga ngunit ng tanungin nila Mira kung bakit hindi na lamang siya maghanap ng trabaho. Mariin nitong sinabi na nahihiya siya sa ibang tao baka hindi maunawaan ang kanyang sinasabi dahil nga sa kanyang kondisyon.

Bukod pa diyan masyado na siyang matanda para sa ibang trabaho, kaya naman naisipan ng grupo ni Miranda na ipanawagan ito sa social media upang may makapansin at kahit papaano ay mabigyan ng tulong. Dagdag pa ni Mira si Aling Agnes ay may experience na rin sa pag-aalaga ng mga matatanda, ayon dito minsan na rin naman siyang nakapag-alaga ng 89-anyos na matanda sa loob ng 8 taon.

Kaya naman sa panghuli inabutan ng grupo ni Mira si Aling Agnes ng kauting tip upang kahit papaano ay makatulong. Update sa post ni Mira, may mga update na at marami na rin ang nagpahatid na kababayan natin na handang tumulong sa matanda. Sana makahanap siya ng nararapat na pasahod sa mga susunod niyang trabaho.

Kadalasan ang tingin ng ibang mamayan sa mga artista ay pasosyal, pangmayaman lamang at suplado. Hindi naman lahat ay ganito kung ang ilan sa mga kababayan natin nakakaranas ng pagsusungit ng kanilang iniidolo marahil sa pagod na nararamdaman dulot na rin ng kanilang trabaho. Alam naman natin ang pagiging artista ay hindi rin naman birong propesyon, kaakibat nito ang puyat at pagod kaya naman minsan ito ang dahilan ng pagbabago ng kanilang mood o ugali.

Ngunit kamakailan ang minsan nang naging kontrobersyal dahil sa kanilang pag-iibigan ay pumukaw ng pansin sa pagiging mabuti sa kanilang mga tauhan. Ang sikat na celebrity couple na sina Sarah Geronimo at Matteo Guidicelli pinuri ng kanilang mga tagahanga dahil sa kanilang busilak na kalooban para sa kanilang mga empleyado. Sa youtube channel ni Matteo kung saan tampok ang kanilang tauhan ay ipinasyal at ipinamili ng mag-asawa ang mga ito.

Naging espesyal ang araw na iyon dahil sa kaarawan ng nanay ni Matteo at anibersaryo ng kanilang negosyo na G-studios. Bilang pagtanaw ng kabutihan sa kanyang mga empleyado kung saan tinatawag nila itong kaibigan mula Paete o the Dream Team ika nga ni Sarah. Ito ang panahon para naman makabawi ang mag-asawa sa kanilang mga tauhan.

Makikita sa mga video na sobrang galak ng mga empleyado ng mag-asawa kung saan binigyan silang kunin ang kahit anong naisin nilang iuwi sa kanilang pamilya at punuin ang isang cart ng mga napamili ng mga ito. Walang pag-sidlan ang saya na kitang kita mo sa mata ng mga empleyado ng mag-asawa.

Kaya naman ang mga netizen at tagahanga ni Sarah at Matteo ay labis ang papuri sa kabaitan ng mga ito. Hindi lamang basta artista sila din ay may pusong pang-masa, marunong sumukli sa kabutihan ng iba at hindi makikitaan ng ere sa katawan.

Sa mundo na puno ng mga hindi maipaliwanag na kaganapan o kahit nararamdaman tulad ng pag-ibig o pagmamahal sa isang tao na kung minsan hindi natin maipaliwanag. Sa isang panibagong programa na tinawag na 90 Day Fiance UK kung saan kabilang si Shaun na isang Briton at kasintahan nitong Pinay na si Christine.

Ang 90 Day Fiance UK ay reality show program ng isang TV station sa UK kung saan ang bawat kalahok ay susubaybayan ang buhay ng nasabing programa, bukod pa diyan ang mga kasali dito ay pawang mga magkasintahan na ang estado ay long distance relationship o LDR kung tawagin.

Ang Briton at ang ating kababayan na kalahok dito ay isang dekada ng magkakilala, nagsimula ang kanilang relasyon online. Si Shaun na 41 anyos na ay taga Hampshire sa South East England, samantala ang ating kababayan na si Christine ay 42-anyos mula naman sa Antipolo. Mayroon silang anak na siyang pinapadalhan ng suporta ni Shaun kada buwan at umaasa din itong balang araw makakapiling ang mag-ina.

Samantala marami ang nagtaas ng kilay sa buwanang sustento ni Shaun sa kanyang kasintahan, kada buwan ay nagpapadala ito ng £400 o 27,000 pesos katumbas ng ating pera. Aminado ang Briton na hindi naman siya maperang tao kahit na ang trabaho nito sa kanilang bansa ay isang cleaning manager at nagsisikap siyang makaipon para sa mag-ina, para na rin sa Divorce ni Christine sa dating nitong asawa.

“From all these eight years I’ve been with Christine, I wouldn’t know how much money I would have sent her. But all I know is it’s in the hundreds of thousands. It’s worth every penny,”

“After I’ve sent Christine the money, there’s enough for me to pay my bills at least, and then when I look again, I’ve got about £50-£60 for myself, and that’s more than enough to see me through the month.”

“I don’t have the money, but I am going to be saving up for it and then we can get married. Yes, they’re still married, but they don’t live with each other. I don’t feel jealous about it, because I know she loves me, and I love her,” – pagkukwento ni Shaun.

Bagamat ganito nga ang naging sitwasyon ng dalawa, nagpahayag din ng pagkabahala ang pamilya ni Shaun at ilang malalapit dito kung bakit siya nagpapadala ng pera pa sa kanyang kasintahan.
“When I started sending her money, my parents and all my friends started saying, ‘Why are you sending her money?’ But, to be honest with you, I don’t really care, I’m following my heart. It’s my choice. So, you either be part of me in the circle, or you’re not.”

“Well, one, it’s got nothing to do with you, and two, mind your own business. What the heart wants, the heart gets. Alright? I chose this path for me,” – pagtatapat ng Briton.

Marahil sa klase ng tao ni Shaun na malungkutin at madalas mag-isa lamang sa buhay kaya naman nang magkaroon ng pagkakataon na magkakilala sila ni Christine ay hindi nito mawari ang kasiyahang nararamdaman at sinabi niya sa kanyang sarili na si Christine na ang babaeng kanyang hinahanap.

Sa ngayon inaayos na ni Shaun ang papeles ni Christine upang makapunta ito sa UK at si Shaun naman paminsan minsan umuuwi sa ating bansa upang makita si Christine ng personal kudo pa sa madalas nilang pag-uusap sa videocall.

Ang ina ang siyang itinuturing na ilaw ng tahanan katuwang ng ama na siya naman haligi nito. Kung pagmamahal ang babasehan higit pa sa labis na pagmamahal ang kayang ibigay ng isang ina sa kanyang mga anak. Madalas nating maririnig ang mga katagang tulad nito “Kailanman hindi kayang tiisin ng isang ana ang kanyang anak ngunit ang isang anak ay kayang tiisin ang kanyang ina o magulang.

Ngunit paano naman dahil sa labis na pagmamahal sa kanyang supling ay nakagawa ang isang ina ng masamang gawain, maituturing mo pa rin ba itong pagmamahal o para sa ikakabuti ng kanyang anak. Ito ang naging sitwasyon ng isang ginang mula Cagayan De Oro matapos magnakaw sa isang palengke para lamang sa kaarawan ng kanyang anak.

Ayon sa balita ang suspek na taga Cagayan De Oro ay isang single mom na hindi na natin pangangalanan pa para na rin sa proteksyon ng kanyang mga anak. Maaring kulungan ang kabagsakan ng ginang na ito matapos arestuhin ng mga kinauukulan dahil sa kasong pagnakaw.

Nagpuslit ito ng lobo, mantika, gastas at iba pa para lamang sa kanyang anak. Halos kagamitang panghanda sa kaarawan ang pinutirya ng ginang, marahil sa nalalapit na kaarawan kanyang anak.
Sabihin na nating nagawa lamang babaeng ito ang magnakaw para sa kanyang anak ngunit kahit saang angulo mo tingnan ay mali ang ginawa niya at ito ay may karampatang parusa.

Ayon naman sa pamunuan kung saan ninakaw nito ang mga nasabing kagamitan, hindi na raw magsasampa ng kaso kung babayaran ng ginang ang kanyang ninakaw katumbas ng sampung ulit sa orihinal na presyo ng mga ito. Sa ngayon samu’t saring komento ang ipinupukol sa ginang dahil sa kanyang pangangatwiran.

Lahat naman ng bagay sa mundo ay maaaring maging posible basta pagsikapan mo, kilusan ang bawat pangarap at huwag hayaan na maging isang pangarap lamang ito.

Marami sa ating kababayan kung sino pa ang may kakulangan sa katawan siya pa mas nakikitaan natin ng pagsisikap at pagtatyaga sa buhay, minsan naman ang mga taong kumpleto ang panganngatawan ay siyang pang tamad at hindi gumagawa ng tama.

Pareho lamang sa bawat aspeto ng buhay maging isports man ito, importante ang dedikasyon, sipat at tiyaga. Kaya naman umani ng papuri ang isang volleyball player mula sa mula sa Brgy. Salimbao, Sultan Kudarat, Maguindanao na si Edwin Enguito 18-taong gulang dahil sa kanyang ipinamalas na husay at tibay ng loob sa larong volleyball.

Ayon sa volleyball coach na si Wing Adnagam ns siyang nagpost ng vir@l video ni Edwin. Tunay siyang napabilib at pinahanga ng binata hindi lamang dahil sa husay nito sa paglalaro ng nasabing sports kundi dahil na rin sa kalagayan ni Edwin. Ayon kay Wing si Edwin ay ipinanganak na may kapansanan at putol ang kaliwang bahagi ng binti at kamay nito ngunit sa kabila ng kanyang kakulangan ay nakitaan ni coach ito ng potensyal sa paglalaro ng voilleyball at siyang maging inspirasyon sa mga kabataang tulad ni Edwin.

Dagdag pa ni coach Wing, si Edwin daw ay nasa grade pa lamang ay nakahiligan na ang larong volleyball tulad ng kanyang mga ate na pawang manlalaro ng volleyball. Noong ngang kakatapos lamang na 4-day Volleyball Clinic at Coaches Forum 2022 na pinangunahan ng BARMM Sports Commission ay isa si Edwin na nabigyan ng parangal bilng “Most Inspiring Player” dahil sa kanyang ipinamalas na husay at tikas ng kalooban sa paglalaro ng nasabing palakasan.

Ang Volleyball ay hindi birong sports ito ay nangangailangan ng lakas at gisig, kadalasan sa makikita natin ay pawang matatangkad at talaga namang may tikas ang pangangatawan mapababae man o lalake ngunit sa kaso ni Edwin pinatunayan niya na kahit may kapansanan ay kaya niyang makipagsabayan sa mga manlalarong normal ang pangangatawan.

Sa ngayon umaani si Edwin ng labis na papuri at paghanga sa mga netizen, marahil sa pagiging inpirasyon sa nakakarami.

Isa sa masayang pangyayari sa ating buhay ang makapagtapos ng pag-aaral lalo na kapag sumapit ang araw ng pagtatapos. Sa ganitong araw natin mararamdaman na ang lahat ng pinaghirapan natin bilang mag-aaral ay may kabuluhan patungo sa panibagong kabanata ng ating buhay.

Ngunit iba naman ang naranasan ni Jessica Flegueras matapos ang masasayang pictorial, pictures post sa kanyang mga soc med account patungkol sa araw ng kanyang pagtatapos ay napalitan lahat ng lungkot. Isang pangyayari ang bumawi ng kasiyahan ni Jessica ng masunog ang kanilang tahanan sa Valenzuela City.

Ayon kay Jessica masaya na sana ang buong araw nito sa kanyang pagtatapos, sa hindi inaasahan sitwasyon isa ang kanilang bahay na tinupok ng apoy sa sunog na naganap kamakailan sa Valenzuela City. Kwento pa ni Jessica ok na sana sa kanila ang lumikas tuwing bagyo sa kanilang tinitirhan dahil mayroon naman silang babalikan ngunit ngayon wala na silang bahay na matutuluyan pa.

Ang masaklap pa nito wala man lamang siyang picture na nakatoga dahil na rin sa kakarating pa lamang nila ng makatanggap sila ng tawag tungkol sa bahay nilang nasusunog. Sa sobrang walang wala ng malapitan at hindi na malaman ang gagawin dahil pati na rin ang mga dokumento niyang nakahanda para sa paghahanap ng trabaho ay nasamang natupok ng apoy.

Sa ngayon kahit wala sa ugali ni Jessica na humingi ng tulong, siya ngayon ay nanawagan at humihingi ng tulong sa may mga mabubuting puso upang kahit papaano ay makarebor sila.

Narito ang buong post ni Jessica;

Graduation ko kahapon, kasabay nun nasunugan kami.. as in lahat.. Ang ganda ng wall ko pati mga stories dahil puro graduation, puro congrats at ayoko manira ng moments kahapon  kaya di ako nagsabi agad….

Sobrang saya ko kase after 7 yrs of waiting nakagrad din ako ng college.. nag stop ako ng Isang taon, pumasok ng shs, at nag college… Sabi ko ang swabe ng buhay ko kahit late ako, nakapag aral ako ng libre sa SJCQC nung shs, tapos sa PLV ng libre uli… Grabeng surprise naman to, sobrang surprise.

Ok lang sakin na lumilikas kami sa valnat tuwing may bagyo, malakas ulan kase alam namin may uuwian pa din kami. Pero ngayon wala na kaming uuwian..

Wala kong picture ng naka toga kase, kakarating lang namin sa venue nung tinawagan kami. Wala pang 20mins nung nakipag picturan ako sa mga kaibigan ko, tapos Ganon.. Gusto ko sanang umuwi kaso wala na daw, pinilit kong antayin at akyatin sa stage yung diploma ko kase graduation ko pa din naman…. Sobrang sakit. Hindi ako masaya sa araw ng graduation ko…

Ayoko sana humingi ng tulong kase di bagay sa personality ko, ayokong shinashare and down moments ko, pero kailangan ko talaga ngayon… Di ko alam san kami magsisimula… Kahit anong tulong, personal hygiene, pagkain, damit at monetary… sa mga magaabot po ng tulong, nandito po kami sa Valenzuela National High School… eto po ang gcash number ko.. 09301546360 Jessica F. Maraming Salamat po.

At kung may maooffer po kayong work, kahit extra lang po, willing po ako pumasok agad( nasunog po yung mga requirements ko sa school pati yung mga kinuha kong requirements sss, pagibig, police, first time job seeker cert at iba pa) kung pwede pong to follow up nalang.. salamat po.

*Not the typical caption for graduation* Jessica F. Flegueras Bachelor of science in Business Administration major in Marketing Management 18-126* Batch 2022

Kapag tungkol sa kuryente ang usapan ang lahat ay nababahala dito mapabayarin man ito o paggamit nito. Ngunit mas nakakabahala ang kung aksidente ang magaganap hindi biro ang maaaring kalabasan ng pangyayari kung sa kuryente ang pag-uusapan.

Tulad na lamang ng isang paalala ng isang ginang na si Athena Quintana, dahil tulad niya naranasan din ng kanyang anak ang pangyayaring tulad nito. Ayon sa kanyang social media post, hindi niya maatim ang nabasa niyang pangyayari sa isang batang babae na naputukan sa kamay ng extension wire na ginagamit sa bahay. Dagdag pa ni Athena naranasan din umano ito ng kanyang 7-gulang na anak nitong mga nakaraang linggo lamang.

Halos madurog ang kanyang puso sa sinapit ng bata, marahil nagbalik sa kanyang isipan ang sinapit ng kanyang anak. Kaya naman nagpaalala siya na kung maaari double ingat na lamang lalo na kung tungkol sa kuryente huwag pabayaan ang mga bata.

Ayon pa sa kanya buti na lamang hindi direkta ang kuryenteng tumama sa kanyang anak bagkus sa saksakan lamang ng extension pumutok ito. Iba kasi ang rektang tama ng kuryente sa tao maaring hindi na ito makabitaw at tuluyang masunog ang tao kapag napadikit ito ng rekta.

Samantala ito ang buong post ni Athena Quintana;

❝Sumakit puso ko nun nabasa ko yung trending ngayon na batang nakuryente, the same thing also happened to my 7 years old daughter 2 weeks ago, pumutok ang extension wire sa kamay niya the moment na sinaksak niya sa outlet, good thing na hindi sya direct na nakuryente pero grabe yung nangyari sa kamay niya. Doble ingat, hindi natin alam kung kailan mangyayari ang disgrasya. Haaay.

Please magdoble ingat po.  #SharingisCaring

Ang resignation letter ay kadalasan ibinibigay sa kompanya kung ayaw mo na sa iyong trabaho o napagpasyahan mo ng umalis sa iyong pinapasukang kompanya. Ngunit ang mga ito ay nangangailangan ng pa ng araw ng palugit bago pa man tuluyang maaprubahan, ito’y sa kadahilanan na may batas na sinusunod ang isang kompanya upang maisaayos ang mga dapat pang isaayos sa pagitan ng empleyado at kompanya.

Ngunit ang kakaibang resignation letter ng isang netizen na kanyang naipost sa kanyang soc med account ay tumawag ng atensyon matapos ang kakaiba nitong katwiran o dahilan kung bakit ayaw na nito sa kanyang trabaho. Sa post ni Rowell De Dios nakasaad ang dahilan nitong “Mag-aasawa na ako huli na ako sa mga ka-batchmate ko”.

Ang simpleng linya ng pangungusap na ito na rektahang binanggit nito ng walang paligoy ligoy ay siyang umagaw atensyon. Tula marami ang na good vibes sa nasabing post ni Rowell ngunit sa iba naman ay isa lamang itong Meme, marahil ay dahil sa karakter ni Rowell na aktibo din sa social media.

Kahit sino naman may maaaliw sa ganitong sistema ng pagreresign, humakot tuloy ng samu’t saring reaksyon at komento ang post ni Rowell. Samantala sa kasalukuyan mayroon na itong anim na libong shares, libong komento at reaksyon nakakatuwa.

Source

Sa ating mga Filipino normal na ang pagiging relihiyoso, paniniwala sa mga pamahiin at himala. Bukod pa nga sa mga santo na gawang kahoy na kung minsan nagiging sanhi pa ng hindi pagkakaunawaan ng iba’t ibang grupo ng relihiyon sa ating bansa.

Ang mga nabanggit na ito ay wala namang masama bagkus nasa ating sarili pa rin naman at puso kung ano ang nilalalman nito. May iba pa nga na ang katwiran ay basta ang nasa puso at isipian nila ay iisa lamang ang Diyos na lumikha sa ating lahat.

Ang isang pangyayaring tulad nito ay itinuturing na Milagro ng isang pamilya mula sa Iloilo. Ayon kay Pao Paginado Dehan ng Passi City, ng nasabing lugar halos matupok at maabo ang kanilang tahanan sa sunog naganap ngunit laking gulat nila sa nakita matapos ang hindi magandang pangyayari.

Tila hindi naapektuhan ang mga santo sa loob ng bahat at nanatiling buo ang mga ito, samantala ang loob ng bahay ay malaki ang pinsala ng pagkakasunog. Sa kuhang larawan makikita kung gaano kalaki ang danyos ng nasabing insidente pero makikita rin sa paligid ang mga santo at isang krus sa dingding na tila walang bakas ng pagkakasunog.

Himala o milagro nga itong maituturing para sa ilan lalo na sa mga deboto ng mga nasabing santo ngunit sa iba ito ay nagkataon lamang at sadyang may pagkakataon na nangyayari ang mga ganitong bagay. Samantala ayon sa awtoridad ang naging sanhi ng insidente ay ang  isyu sa electrical connection.

Bawat tao ay may kanya kanyang paniniwala at opinyon, maging mapanuri at maunawain sa mga ganitong talakayan lalo na kung sa usapang relihiyon na madalas nauuwi sa hindi magandang pagtatalo. Respetuhin natin ang bawat isa upang magkaroon ng maayos at magandang samahan ang ating pamayanan.

Sa mundo ating ginagalawan normal lamang makaramdam ng galit hinanakit o init ng ulo sa mga hindi magagandang pangyayari o mga bagay na hindi natin nagugustuhan. Ngunit sana man lamang bago natin pairalin ang galit sa ating puso, pagisipan muna natin ito dahil kung minsan ito pa ang nagiging sanhi kung bakit nagkakaroon ng kapahamakan o hindi magandang kinahihinatnan ng isang tagpo.

Sa post ni Michelle Luna sa kanyang soc med account ay nagbigay ito ng good vibes kaya naman ang ilan sa mga netizen ay napahanga sa kanyang inasal. Bilang isang customer na madalas umorder ng pagkain online karaniwan na magiging reaksyon ang magalit lalo na kapag ang ating iniorder ay may aberya.

Ngunit sa kaso ni Michelle Luna ay hindi niya pinairal ang init ng ulo bagkus isang ngiti at pagunawa ang isinukli niya sa kanyang naranasan. Kwento ni Michelle inabot siya ng gutom kaya naman naisipan niyang umorder online, nakaabang na siya sa kanilang gate habang natatanaw nito ang food rider ngunit may napansin siya dito na tila balisa ito.

At saktong pagkalapit ng rider kay Michelle paulit-ulit itong humingi ng tawad sa hindi malaman pang dahilan, nang maglaon natapon pala ni kuya ang hot choco na order ni Michelle ngunit laking gulat ni food rider ng ibaba ni Michelle ang kanyang facemask at sinabing “OK LANG UN KUYA SALAMAT SA PAGHATID NG PAGKAIN KO, NA-APPRECIATE KO HARD WORK MO NGAYONG UMAGA.”.

Agad na nagilid ang luha sa mata ng rider kaya naman pati itong si Michelle ay daglian na ring nagpaalam at sinabing aakyat na rin dahil isa rin pala siyang balat sibuyas.

Narito ang buong post ni Michelle;

Share ko lang. So, umorder nalang ako sa Food panda ng kakainin ko bago matulog. Nakabike lang ang nagdeliver sakin at nagtataka ko kasi tanaw ko palang halatang di sya mapakali. Pagkalapit ko sa knya, sorry sya ng sorry kasi ung hot choco natapon na halos ung kalahati.

What i did, binaba ko lang slight ung mask ko, nginitian sya at sinabing “OK LANG UN KUYA SALAMAT SA PAGHATID NG PAGKAIN KO, NA-APPRECIATE KO HARD WORK MO NGAYONG UMAGA.”

He almost cried. I dont know kung may pinagdadaanan si kuya or what. Pero diba ang simple lang sana ng mundo kung kaya nating i-appreciate ang mga bagay na meron tayo. Lalo na ung mga maliit o malaking bagay na kayang gawin satin ng ibang tao. May kulang man, piliin padin nating maging mabuti. Lalo na kung tingin natin mas kailangan nila makaranas ng appreciation.

*at syempre, isa din akong balat-sibuyas kaya nung nakita ko ng paiyak si kuya, umakyat na ako. HAHAHAHAHA

Walang makakapagsabi ng kapalaran ng isang tao ngunit tayo ay isa sa gumagawa nito, nakaukit man ang ating tadhana tayo pa rin ang magkokontrol nito mapabuti man ang nais nating marating o sa hndi magandang tadhana ang ating makakamit.

Isang tubong Quezon ang nagpatunay na lahat ay mayroon second chance, Si Jonald Delos Santos Traquiña ay minsan ng naging tamad at bulakbol ng kanyang kabataan at nagdesisyon huminto sa pag-aaral. Ilang ulit na nakakuha ng mababang grado kung minsan ay bagsak pa nga ito ngunit ng binigyan muli ngpagkakataon pinatunayan nito na kaya niyang bumangon sa maling nagawa at desisyon sa buhay.

Ang kanyang mga magulang ay nawalan ng pag-asa dahil nais ng mga ito na makapagtapos siya ng pag-aaral. Mga panahon na hindi binigyan ng pagkakaon muli ng kanyang mga magulang, ngunit kalaunan sa pakiusap ng kanyang kapatid ay muli napagbigyan ito. Dito nagsimula siyang mangako sa sarili na gagawin ang lahat at hindi na mauulit ang pagkakamali.

Muling nakapag-aral si Jo palayaw ni Jonald sa Polillo National High School sa Quezon. At ng makatapos nagpatuloy ito sa kolehiyo sa kursong Bachelor of Elementary Education sa Southern Luzon State University (SLSU)-Polillo Campus. Naging mahirap para kay Jo ang pag-aaral sa kolehiyo dahil na rin sa kakapusan ng pera.

Bagaman ganun ang pangyayari sa buhay ni Jo hindi ito nawalan ng pag-asa at muling  gumawa ng paraan upang mairaos ang pag-aaral sa kolehiyo. Naisipan niyang maglako ng cassava chips and yema spread upang maging self supporting student siya. Sa ganitong paraan paglipas ng ilang taon nakatapos na ito ng kolehiyo at ngayon ay isang LET passer, isang history na maituturing sa kanilang paaralan.

Patuloy lamang magsikap na abutin ang pangarap, magdasal at kilusan ang mga ito upang makaahon sa kinalulubugang putik. Balang araw makikita mo lahat ng bunga ng iyong pinaghirapan.

Sa panahon ngayon maraming bata ang maabilidad at mulat na sa mga bagay-bagay, may ilan na ngayon na sa murang edad ay malaki na ang kinikita dahil na rin sa kanilang mga diskarte gamit ang makabagong teknolohiya. May ilan naman na talagang hindi makakilos dahil walang sapat na kagamitan.

Ngunit sa isang batang nasa 15-anyos pa lamang ay nakakabilib na ang kanyang pag-iisip na makatulong at makaisip ng mga bagay na siyang mapapakinabangan at makakatulong sa kanilang pamilya. Siya si Love Marie Pugal ang 15-anyos na Youtuber na siyang naging sentro ng atensyon kamakailan dahil sa pagiging breadwinner nito at nakapagpatayo ng bahay ng kanyang pamilya at nakabili ng mga gamit bukod pa sa mga sa tulong sa kanyang mga kapatid simula ng panahon ng pandemya hanggang sa kasalukuyan.

Ito ang ibinahagi ng kanyang proud na ina na si Rosanne Sabas Pugal, 42, sa Home Buddies, isang Facebook group para sa mga taong mahihilig sa bahay. Ayon kay Rosanne taong 2020 ng matigil sila sa trabaho at pagtitinda ng street foods na lamang ang kanilang naging kapalit sa nawalang trabaho. Kaya naman ang anak niyang si Love Marie na mismo ang nag-alok na siya na muna ang bahala sa mga gastuhin sa bahay.

Ikinagulat ito ni Rosanne, bagamat natutuwa siya dahil sa malawak na pag-iispin ng anak hindi na siya nag-atubiling umuoo dito. Sa isang banda napaisip din siya bilang ina kung saan nakukuha ng kanyang anak ang pera. Ito pala ay dahil sa pagiging Youtuber ng grade 9 honor student na si Love Marie bukod sa pagiging online seller ng bata.

Nung una ay libangan lamang ng kanyang anak ang mga ginagawa nito sa youtube tulad ng mga content nitong video game na Gacha Life o di kaya ay mga short video animations na may kinalaman sa anime-styled characters. Syempre nariyan din ang paninda nito online na K-pop merch.

Sa ngayon tuloy lamang si Love Marie sa mga kinahiligan nitong gawin at priority pa rin nito ang pag-aaral upang hindi mawala sa pagiging achievers nito at pagigigng honor student.

Alam naman natin ang droga ay nakakasama sa ating katawan at lalong lalo na sa lipunan, marami ang nawawasak ang buhay dahil sa masamang epekto nito sa isang pamayanan. Ngunit may ilan pa rin sa ating kababayan ang walang habas ang paggamit nito kahit na alam naman natin ang masamang epekto nito.

Maigting ang kampanya ng ating bansa sa ganitong gawain kaya naman kung makikita natin sa mga telebisyon o social media ang ibang nahuhulihan nito ay halos mangiyak ngiyak at kung makahingi tawad animo’y walang nagawang kasalanan. Ngunit kakaiba ang istorya ng isang lalakeng binasagang alyas Kape.

Tubong Cebu ang 37-anyos na si Elmer Alfonso Camia, na kilala sa tawag na Kape. Naging usap-usapan ang pagkakasakote ni Kape nang mahulihan ito ng 100 gramo ng hinihinalang ipinagbabawal na gamot na may halagang P680 libong piso .  Tila nakitaan ito ng walang kagatol gatol na itsura habang nasakote ng ating operatiba.

Sa kuhang larawan makikita na masaya pa ata ito sa kanyang napalang pagkakatiklo kaya naman ang mga netizen ay todo ang komento sa naging asal ni alyas Kape. Nakangiti at wala halos kabang nararamdaman ang nasabing suspek, marahil may sarili siyang dahilan kaya ganyan ang kanyang tinuran sa kanyang pagkakasakote.

Samu’t saring komento naman ang ibinahagi ng mga netizen may ilang natuwa ngunit karaniwan ay nainis sa inasal ng suspek. Kaya naman payo ng mga pulisya iwasan ang ganitong bisyo o gawain upang sa huli ay hindi pagsisihan ang mga maling ginawa.

Talaga nga naman nasa mindset kung paano mo gustong tuparin ang pangarap mo o ang nais mo maging sa buhay. Tulad na lamang ng isang tiktoker na si Aldrin Pawa, 24-anyos na taga Palawan. Isinilang na may kondisyong phocomelia syndrome kung saan mula sa kanyang pagsilang ay wala na itong mga kamay at paa.

Kaya naman si Aldrin ay binansagan na Putol, ngunit ganun pa man pinatunayan niya na hindi hadlang ang kanyang kapansanan upang makamit nito ang tagumpay at pangarap na inaasam-asam. Nagtapos si Aldrin sa Palawan National High School bilang isang senior high na may karangalang honor student.

Dagdag pa ni Aldrin “Hindi sukat sa PHYSICAL o APPEARANCE ng tao kung makakapag tapos ka o hindi ang mahalaga ginawa mo ang best mo para sa mga taong naniniwala sa kakayahang meron ka.”

At sa isang panayam sa kanya sinabi nitong; “Umulan man o mainit…minsan sa sobrang init nagkakaroon ako ng nana sa tuhod kakalakad.

“Lahat yan tiniis ko, pinagtiyagaan ko para mapatunayan ko sa sarili ko na itong ‘PUTOL’ na tinatawag nila ay makakapagtapos ng pag-aaral.”

Bagay na nakakalungkot isipin, kung ang iba kumpleto ang pangangatawan ay nagagawa pang hindi gumawa ng tama at nawawalan ng pag-asa sa buhay, si Aldrin pa kaya na may kakulangan ngunit patuloy ang laban sa pagtupad ng kanyang mga pangarap.

Tunay nga na maipagmamalaki mo ang tulad ni Aldrin dahil bukod pa sa kanyang mga achievement sa kanilang paaralan isa din siyang SK Kagawad at Vice President ng Persons with Disabilities sa Brgy. San Pedro, Puerto Princesa, Palawan. Sa kabila ng kanyang kondisyon marami siyang nagagawa  at napapasayang mga tao.

Sa mga hindi nakakaalam hindi ito ang unang beses na sumikat si Aldrin, bilang tiktoker minsan na rin siyang naipalabas sa media kung saan dito naman ipinakita niya ang kanyang talento sa pagsasayaw. Umani ng milyon at libo libong views ang kanyang mga videos kaya naman sa kasalukuyan ay mayroon na siyang 2 million followers sa tiktok.

Ngunit sa lahat ng ito may hinanaing din naman si Aldrin, sambit niya; “Sa bawat pamba-bash sa akin ng tao, nasasaktan ako, parang naapektuhan ang confidence ko.

“Nada-down ako sa sarili ko, pero hindi dahilan iyon para ma-down ako or sumuko ako.”

“Gusto ko lang naman po na maipakita sa buong mundo na kahit ganito ako—wala akong kamay, wala akong paa—pinapakita ko lang ang talento na meron ako.

“Gusto ko pong magbigay inspirasyon sa mga taong katulad kong may kapansan na kung ano man ang kapansanan nila, maging motivation ito sa kanila.” – dagdag pa niya.

Ganito man ang kanyang sitwasyon kanyang nararanasan patuloy pa rin siyang humuhugot ng lakas sa kanyang pamilya, kaibigan at higit sa lahat sa kanyang pananampalataya sa Panginoon natin. Sa ngayon ang balak ni Aldrin ay magpatuloy sa kolehiyo at kumuha ng kursong edukasyon.

Ang takbo ng buhay ng isang tao ay iba-iba, minsan ang kapalaran ay hindi mo mawari kahit na anong sipag o buti mo sa iyong ginagawa. Marahil ito nga ang madalas na kasabihan na may rason ang bawat pangyayaring nagaganap sa atin. Madalas hindi natin maunawaan ang mga bagay-bagay lalo pa’t kung ito ay masalimuot ngunit ganun pa man marapat na magpatuloy lamang tayo sa ating mga ginagawa hindi man para sa atin ang magandang ibubunga nito, baka sakali sa ating mga mahal sa buhay.

Katulad na lamang ng isang tricycle driver na namamasada na si Godofredo Miralles, kamakailan lamang ay naging agaw atensyon ang kanyang kalagayan  online. Bukod kasi sa marami ang humanga sa kanyang dedikasyon sa buhay, marami din ang nahabag kay Mang Godofredo. Ibinahagi ng isang concern citizen ang napansin nitong kalagayan ng isang matanda habang sakay sila nito.

Sa post na ito ni Ka J. Cales sa kanyang socmed account kuha ang larawan na may plastic na nakasukbit sa beywang ng matanda habang ang hose nito ay patungo sa kanyang bulsa. Ito pala ang tinatawag na catheter, ayon sa matandang driver na si Mang Godofredo ay walang buwan na siyang may sukbit na supot sa kanyang beywang dahil sa sakit nitong prostat3 canc3r na madalas ang tinatamaan ng sakit na ito ay nagkakaedad na mga kalalakihan.

Marami ang bumilib kay Mang Godofredo at sa kabilang banda marami din naman ang nahabag sa kalagayan ng matanda. Sa ngayon umabot na sa sampung libo ang nagbahagi ng kalagayan ni Mang Godofredo. Samantala lumapit din pala si Mang Godfredo kay Ka Jerald Gales ng Aksyon bandera upang manawagan at makahingi ng kaunting tulong patungkol sa kanyang karamdaman.

Narito ang buong post ni Ka J. Cales; “Yan ang tricycle na nasakyan namin kanina galing Cathedral..mejo may edad na din ung driver kaya cguro mabagal ang takbo namin..pero bandang bonna’s na kami napansin ko ung sa may baywang nia na may maliit na hose deritso sa may parang bulsa na malaki o something bag..narealize ko lang na may sakit pala xa..napansin ko din ang putla ni tatay driver..kawawa naman xa,,kelangan niang mamasada sa kabila ng nararamdaman nia..Godbless sau tay..wala man akong malaking maitutulong sana may taong ipadala si Lord sau na may malaking maitutulong..”

Sa mga nais magpahatid ng tulong narito ang GCash ni Mang Godofredo, GCash number para kay Tatay Godofredo: 09387865043.. Mangyari icheck lamang mabuti ang pangalan upang hindi mapunta sa mga taong mapagsamantala.