Sipag at tiyaga ang puhuna, samahan mo pa ito ng dasal sa ating panginoon maykapal tiyak makakamit mo ang iyong pinapangarap sa buhay. Hindi man madalian ang proseso ngunit sa tamang panahon ipagkakaloob sa iyo ang lahat ng ipinagdarasal mo. Huwag lamang mawalan ng pag-asa at magpatuloy sa buhay tungo sa iyong pangarap.

Ang pamilya ni Tricxie Camu Rangasa mula sa Tiwi, Albay ay isang halimbawa na kahit walang wala sa buhay basta magsipag at magtyaga ka lamang ay kalaunan makakamit mo ang mga minimithi mo sa buhay. Kwento ni Tricxie Camu Rangasa nag-umpisa lamang sila sa puhunang P500 kung saan nagtitinda sila ng kwek-kwek at kalaunan ay nadagdagan pa ito ng mga ibang street foods na siyang nagpalaki din ng kanilang kinikita.

Ang tinda nilang kwek-kwek, fishball, kikiam at chiken skin ay nadagdagan pa. Dahil nga sa likas ang kasipagan nilang mag-asawa, naisipan nilang magdagdag pa ng fried chicken kung saan sa pagsapit naman ng gabi nila ito benebenta.

Ayon pa kay Tricxie Camu Rangasa hindi nila akalain na sa loob lamang ng anim na buwan na pag-iipon ay nakamit nila ang pangarap na magkaroon ng sasakyan. Hindi lamang yan nakabili na rin ang mga ito ng lupa na may 200sqm ang sukat kung saan dito nila ilalagak ang kanilang dream house.

Sa ngayon nakakatulong na rin silang mag-asawa sa kani-kanilang pamilya, tunay nga nagbigay inspirasyon ang kanilang kwento. Marami sa mga nakapanood at nakabasa nito ay napabilib sa dedikasyon para sa pangarap na hinahangad. At dahil nga sa maganda at matagumpay na istorya, umani ng papuri at positibong komento mula sa mga netizen ang ginawa nilang mag-asawa.

Marami na ang mga bagay ngayon na kamangha-mangha at kung minsan hindi malaman kung ano nga ba ang totoong detalye patungkol sa pangyayaring nagaganap. Tulad ng mga videos ng isang TikToker na si Giuseppe D’anna. Marami ang hindi makapananiwala sa estado ng relasyon nito sa kanyang kasintahan, tunay nga mahihiwagaan ka kung paano nito nangyari. Kung sa edad mo pagbabasehan malaki ang agwat ng bawat isa 76-anyos na si lola habang si Giuseppe D’anna ay 19-anyos pa lamang.

Sa mga videos ni Giuseppe D’anna proud itong pinopost ang mga kuhang videos nila ng kanyang kasintahan niyang matanda. Ngunit ang labis na ikinagulat ng mga netizens ay ang pagpropropose ng binata sa matanda. Sa video makikita ipinakita na may dalang dosesang o higit pa na lobo ang binata at lumuhod ito sa matanda at biglang nagpropose. Ipinakita din ang mga mamahaling regalo at singsing na inialay nito.

Sa kabila ng kanilang kumakalat na trending propossal hindi naman naawat ang ilang netizens na magbigay ng kanilang sariling opinyon lalo na nga sa agwat na edad ng mga ito. Ang ilan ay nagsabing may ibang balak lamang ang lalaki sa matanda, samantala may ilan din naman humanga at na nagsabing totoong pag-ibig ito.

Kung ating pagbabasehan wala naman tayong karapatan humusga ngunit maari lamang tayo magbigay ng sari-sarili natin opinyon sa ating nakita sa kanilang dalawa. Kung ang iba nga ay wagas ang pagmamahalan sa kabila ng malaking agwat ng edad, sila pa kayang dalawa na wala naman tayong alam sa kanilang tunay na nararamdaman.

Maging masaya sa kasiyahan na nararamdaman ng iba, iwasan maging mapanghusga bagkus kapulutan ng aral ang bawat pangyayari sa ating kapaligiran.

Sa pamilya kailangan may tungkulin dapat gampanan ang kada miyembro nito, upang maging maayos ang samahan at magkaroon matiwasay na pamumuhay. Ngunit kung wala man ang isa sa miyembro nito tiyak na mahihirapan ang bawat isa. Halimbawa ng isang ama na siyang magtataguyod ng pamilya o tumatayong haligi ng pamilya. Ang isang ina naman na siyang nagsisilbing ilaw ng tahanan at siyang nangangalaga sa mga supling.

Ngunit kung ang ina ay nawala sa isang pamilya o ang isa man dito, mahirap magtaguyod lalo na kung maliliit pa ang mga supling. Katulad na lamang ng isang ama nabiyudo at naiwanan sa kanya ang tatlong sanggol na anak matapos pumanaw ang ina ng mga ito. Napahirap ng sinapit ni Joel ama ng triplets na sina Baby Jia Aamari, Jay Aliyah at Jaswhi Adaliah. Matapos maipanganak ni April asawa ni Joel kinabukasan ay agad na pumanaw ang ina ng nasabing triplets.

Tila naging dagok sa isang ama ang pangyayaring ito, ang mawalan nga lang mahal sa buhay ay napakasakit na sa ating kalooban ito pa kayang sinapit ng isang ama at maiwanan pa sa kanya ang tatlong anghel. Ganun pa man ang pangyayari ito ay hindi naging hadlang kay Joel upang pagsikapan na maitaguyod ang tatlong anghel na naiwan sa kanya.

Alam naman natin na ang mga kakasilang na sanggol ay nangangailangan ng sustansya higit sa lahat ang gatas na manggagaling sa ina ng mga ito. Dahil nga sa hindi magandang pangyayari na sinapit ni Joel at pamilya nito, gumawa ang ama ng paraan upang kahit papaano makalikom ng gatas na siyang magiging pagkain ng mga anghel.

Katuwang ni Joel ang kanyang biyenan at hipag sa pag-aasikaso ng triplets, naisipan ni Joel na ibahagi sa social media ang kanyang hinanaing para kahit papaano may makapansin at mabigyan siya ng tulong ng mga ito. Sa kabutihan palad marami sa mga kababayan natin ang nagpaunlak o nagpahatid ng tulong na siyang ginagamit ni Joel sa ngayon para sa kanyang mga munting anghel.

Narito ang post na ibinahagi ni Joel sa socmed; GONE TOO SOON

“Malaki po ‘yun sakripisyo ng asawa ko. Minahal at inaalagan po mabuti ng asawa ko ang mga anak ko no’n nasa t’yan pa lang sila.

“Kaya bilang tatay na lang nila, kahit mahirap, pipilitin kung kayanin at maging matatag sa kabila ng lahat. Katuwang ko po sa pag-aalaga ang aking biyenan at kapatid ng aking asawa.

“Mahirap po ang bigat sa pakiramdam, especially po no’n unang pagkakataon na babalik na ‘ko sa trabaho. Hindi ko talaga mapigilan lumuha habang nagda-drive paalis.

“‘Yun pakiramdam na gusto mo lang na lagi sila kasama kasi sila ‘yun dahilan kaya nakukuha ko pa ngumiti. ‘Yun mabuhat ko sila at mahalikan, gumagaan pakiramdam ko pero kaylangan umalis at magtrabaho para sa kanila.”

Sa darating na fathers day mag-isang itataguyod ni Joel kasama ang kanyang triplets nang wala ang ina ng mga ito.

Kadalasan ang mga hayop ay nakatungo kung kumain lalo na kung ito ay aso o pusa. Bagaman hindi maikakaila na madaling turuan ang mga nabanggit na hayop hindi rin matatawaran ang kakaibang nagagawa ng mga ito kaya naman kadalasan ay napapabilib ang ilan sa mga amo pati na rin ang ilang nakakasaksi dito.

Katulad na lamang ng isang pet lover na taga Navotas na si Mary Jean Maribao, sadyang mahilig itong mag-alaga ng hayop partikular na ang pusa at aso. Isa sa mga alaga nitong pusa na pinangalanang Tui-Tui ay may kakaibang nakagawian. Ayon sa kanyang amo (Mary Jean Maribao) si Tui-tui ay kumakain na kapareho ng isang tao dahil ito ay nagkakamay.

Sa video na ipinadala ni Mary sa isang network ipinakita nito kung paano sumubo ng pagkain ang alaga nitong pusa, makikitang kamay nga ginagamit ng bibong pusa. Kagigiliwan mo nga ito dahil hindi lamang mahinahon ang pagkain nito, bagkus nagpapakita pa ito kung gaano siya kaganado kumain sa isang food bowl na walang kahati kung hindi solo niya ang pagkain.

Sambit ni Mary ang pusang si Tui-tui ay kanilang inalagaan noon pa man dahil may kondisyon itong hindi nakakatayo, ganun pa man ang nasabing pusa ay ginulat sila ng magpakita ito kung paano kumain. Kakaiba sa iba pa nilang alagang pusa si Tui-tui ay gumagamit ng kamay, pagbibiro pa nga ni Mary sinasabihan niya itong huwag magkakalat at sumusunod naman ito.

Sa ngayon ang video ni Tui-tui ay naging patok sa social media kung saan umani ito ng mga papuri at samu’t saring komento ng mga netizens. Umabot na halos ang 90K libong tao ang nagbahagi ng video at 20K libong komento.

May kakaiba rin ba ginagawa ang inyon alagang hayop na siyang nagbibigay aliw sa inyong pamilya o sa mga taong nakapaligid dito. Maaari ninyong ibahagi at ikomento lamang sa iba.

Kakaiba ang libangan ng senior citizen na si Nanay Erlinda Isidro, sa edad na 66-anyos nakahiligan nito ang paglalaro sa video arcade kung saan target nito ang mga home appliances. Kamakailan ibinahagi ng kanyang anak na si Janine Laguidao ang post sa isang facebook group na may caption na “Yung Nanay kong kakalaro sa Tom’s World. Nakapagpalit ng AIR FRYER.” Hindi biro ang ang nakolektang tickets ni Nanay para lamang makamit ang pangarap na Air Fryer, mahigit 36,000 na libong ang tiket ang katumbas ng nasabing kitchen appliances.

Agad nakapukaw ng pansin ang post na ito ni Janine kaya naman marami ang napabilib at namangha sa kakaibang libangan ni Nanay Erlinda. Ayon sa salaysay ng anak ni nanay Elrlinda na si Janine sa isang entertainment website;

“Sa MOA po siya laging naglalaro. Matagal na po siya naglalaro, e,” “Hindi ko na po matandaan kung gaano katagal. Siguro po mga since 2012 po yata. “Pang-libang at palipas-oras niya lang po para mag-enjoy po.”

Ito na pala ang nakahiligan ng kanyang ina sa matagal na panahon at hindi lang isang uri ng arcade ang nilalaro ni Nanay bagkus mga arcade na naglalabas ng ticket ay sinusubukan nito. Marami na rin palang naipalit na tiket ang matanda ayon kay Janine at ang lahat ng ito ay ipinangreregalo din ni Nanay. Tulad ng stuff toys na kanyang nakukuha at kung anu-ano pa, pamigay din sa kanyang mga apo.

Dagdag pa ni Janine – “Super support lang po ako sa kanya 101%. Para po sa anak, suportahan lang po natin ang mga nanay natin sa kanilang kaligayahan,” “Mas mahalaga po yun para makaiwas po sila sa mga stress at problema po pag nakakapaglibang po sila at nakakapag-enjoy. For good health na din po.”

Kaya naman ang mga nakabasa sa post ni Janine ay namangha at napabilib sa libangang mayroon ang kanyang ina. Kaya naman bilang isang anak paalala na rin ito sa atin na maging mapagmahal sa ating mga magulang habang nariyan sila at sa panahon ngayon ibigay natin ang hilig nila lalo na kung nasa kaedaran na ang mga ito nang sa ganun kahit papaano ay makabawi man lamang tayo sa kanilang sakripisyong ibinigay sa atin noong mga bata pa tayo.

Ang ama ang itinuturing at tumatayong haligi ng tahanan sa isang pamilya kaya naman kung wala ang ito sa isang pamilya ay mahihirapan ang ina na itaguyod ang kanilang mga anak lalo na sa panahon ngayon. Alam naman natin na lahat tayo ay naapektuhan ng pandemya kaya kanya-kanyang diskarte ang na lamang ang pinasok ng ilan nating kababayan para naman makaraos sa pang araw-araw na buhay.

Tulad na lamang ng post na ito ni Cristina Cabañero M Birao na ang hangarin niya ay mabigyan ng kaunting tulong ang lalaking nakita niya sa kalsada na nagtitinda habang kalong ang sanggol nitong anak. Hindi alintana ng lalaki ang init na dulot ng panahon at ang panganib na maaaring idulot sa anak nito.

Kwento pa ni Cristina habang binabaybay niya ang Brgy. Batasan Quezon City, napansin niya ang amang ito na kinilala niyang sa pangalang Brian, base sa kwento kay Cristina ng ama labag sa kanyang kalooban na isama ang anak na sanggol nito sa paghahanap buhay ngunit wala itong magawa sa kadahilanan walang ibang mapagiiwanan sa sanggol. Ang asawa pala ni Brian ay umalis kasama ang isa pa nilang mga anak at nilayasan na umano silang dalawa.

Ganun pa man para makatulong ipininanawagan ni Cristina sa social media ang sitwasyon ni Brian nang sa ganun kahit papaano ay mayroon makapansin at mabigyan ng tulong si Brian. Wala din naman masama sa ginawa ni Cristina pagka’t ang intensyon at hangarin nito ay malinis, para lamang din makatulong sa ulirang sanggol.

Narito ang buong kwento ni Cristina na siyang pumukaw ng atensyon sa socmed;
king brian A.K.A marian kung taga Barangay Batasan ka makikilala nyo sya nadaanan ko po sya habang ngttinda kasama ang isang buwang baby nya nakakalungkot kylangan nyang kumayud para mpakain ang baby nya dahil ung nanay itinakas ang isa nilang anak at kaya niya dala dala ang baby nya dahil walang mgbantay(opo naka uniform po ako at trabho ko po sana ang kuhanin sila or bgyan ng violation pero sa paliwanag nya bilang magulang naiintindihan ko po sya…)

humihingi lng sana ako ng kunting tulong para kahit papano nsa bahay nlng sna sya mgtinda para dina ma xpose ang kanyang baby sa mga gustung tumulong po pwd nyo po ako kontakin o kya sa ating brgy.dahil kulang po ang naibigay kung tulong sa knya kahit papano my pang gatas sya sa baby nya…😐😐😐😐PLS..RESPECT my post po

Labis-labis ang pangamba ng isang ina na nagbahagi ng kanyang karanasan sa sinapit ng kanyang anak ng sila ay magtungo sa isang mall sa bandang Quezon City. Kaya naman agad nakapukaw ng atensyon sa socmed ang post niya para na rin mabigyan babala ang ilang magulang na may kasamang bata tuwing nagpupunta ng mall at gumagamit ng escalator upang umakyat baba dito.

Ayon sa kwento ni Paula Bandola-Mohamed sa kanyang facebook post, hindi nito sukat akalain na ang sitwasyon na kanilang kinakaharap ay sila mismo ang makakaranas. Ayon kay Paula sa socmed nya lamang nakikita ang ganitong pangyayari.

Ang kwento ni Mommy Paula ay kasama nito ang kanyang anak na si Amarah sa isang mall kung saan sumakay ang mga ito sa escalator ng biglang maipit ang paa ng bata, laking gulat niya sa biglaang pangyayari na kung tutuusin ay wala pang ilang segundo ang lumipas. Mabuti na lamang ay nasa kalagitnaan pa lamang sila ng escalator ng mangyari ito.

Kung umabot sa dulo malamang putol na o mas malala pa ang aabutin pinsala ng kanyang anak. Agad naman na nalunasan ang bata sa tinamo nito, may pamumuo ng dugo at pamamaga sa paa ng nasabing bata. Sambit pa ng ina ni Amarah maaaring nacurious ang bata sa brush na nakadikit sa escalator kaya idinikit nito ang paa sa nasabing brush. Nasanay na diumano ang bata sa isang mall na madalas din nilang puntahan, na walang brush sa ibabang bahagi ng escalator.

Kaya naman sa pangyayaring ito nagbigay ng paalala si Mommy Paula para naman maging aware ang ibang mommy o magulang sa tuwing may kasama itong mga bata at umaakyat sa nasabing hagdanan ay kung maaaring tingnan tingnan ang mga ito.

Narito ang buong kwento ni Mommy Paula Mohamed patungkol sa pangyayaring kanilang naengkwentro;

Akala ko sa Facebook posts ko lang makikita ung ganitong eksena.
Nangyari na nga kay Amirah. Wala pang ilang segundo akong nakalingat sa paa nya. Ito na ang nagyari. Nacurious cguro kasi may brush ung ESCALATOR sa SM north sanay sya sa ever gotesco walang brush eh kita agad ung gilid.

Di ko maimagine pano kapag malapit na sa end ung pagkakaipit nya My God putol na sana paa nya buti nalang sa may kalagitnaan pa. Mga namuong dugo sa daliri at pamamaga ng bahagya lang ang natamo nya. Di ko na maimagine pano kung mas malala pa.

Mas magiging aware na ako sa escalator kapag may kasama akong bata more than ever.
Please share. Para aware din ung ibang mommies. Nakakabaliw ung experience. Lalo na para sa bata.

Nawa’y magsilbing aral din sa lahat ang pagbabahaging ito ni Mommy Paula.

Ang buhay kahit mahirap basta samahan mo lamang ng dedikasyon, sipag at tiyga tiyak magagawa mo ang anumang naisin mo. Ito ang pinatunayan ng isang lalaking bagama’t walang paa o kalahati lamang ang katawan nito ay patuloy na lumalaban sa araw-araw. Si Ryan “Ipoy” Moralidad, 21 anyos nakatira sa Purok 3, Barangay Sibsib, Tulunan town in Cotabato ay may kapansanan ngunit kung kumilos ito ay tila bang isang normal lamang.

Simula pagsilang ay ganito na ang naging kondisyon ni Ryan o mas kilala sa palayaw na Ipoy, walang paa pero ganun pa man mapapabilib ka niya sa kanyang mga kayang gawin. Tila dinaig pa nito ang mga normal na walang kapansanan. Kung ano ang kayang gawin ng ordinaryong tao mas sa tingin mo kaya pa ni Ipoy. Gumagawa ito ng uling at ibinebenta ng P350 kada sako. Tumutulong rin siya sa pagsasaka at iba pang gawing bahay.

Edad 18-anyos si Ipoy noong pumanaw ang kanyang ama. Sa ngayon ay kasama niya ang kanyang ina at mga kapatid na namumuhay. Sumubok din naman mag-aral si Ipoy ngunit huminto ito sa kabila ng mga panunukso sa kanya ng kanyang mga kaklase. Simula noon itinuon na lamang niya ang sarili sa pagtulong sa magulang at iba pang gawain na pwedeng pagkakitaan.

Agad na nagviral ang kwentong ito ni Ipoy kaya naman marami sa mga netizens ang napabilib ni Ipoy. Sambit pa niya sa kanilang lenggwahe noong tanunin ito.

“Maayo ug but-an gyud ni si Ipoy. Wala namo ni siya sugua apan kaugalingong desisyon niya ang motabang sa amoa. Kanang iyang paghimo og uli, pag-uma, ug uban pa, iyaha ra na natun-an pag tan-aw lang sa mga tao nga gabuhat ato (Ipoy is a kind and helpful man. We didn’t force him to do these things but he voluntarily does these for us. He said he wanted to earn and help us. No one really taught him one-on-one to do charcoal making and farming, he just learned it from observing from other people),” sabi ni Irine O. Dioso, hipag ni Ryan.

Tumigil na raw sa pag-aaral si Ryan noong siya ay grade 1 pa lamang dahil sa matinding pang-aasar sa kanya.
“Tani hindi na ko nila pagsunlugon pero sadya ko nga may ara ko sang mga abyan nga kaintindi kag baton ko (I hope they will stop teasing me but I am happy that I have friends now who understand and accept me),” sabi ni Ryan.

Sa kabila ng kanyang kalagayan, hindi nawawalan ng pag-asa si Ryan na makamit ang kanyang pangarap na maging successful businessman.
“Maski na amo ko sini makabulig gyapon ko sa akon pamilya kag sila man ang rason ngaa ko gapaningkamot (Despite having no legs, I can still help my family. They are the very reason why I keep going and strive in life).”

Nang tanungin kung ano ang mensahe niya sa mga kapwa niyang Persons With Disabilities (PWDs), “I hope you will not lose hope. I know you can find ways to help your family. You are capable.”
Isa si Ryan sa mga nagbibigay inspirasyon sa maraming tao na nawawalan na ng pag-asa sa kanilang buhay.

Nagsilbing inspirasyon talaga ang tulad niya sa panahon ngayon hindi tulad ng iba na kumpleto ang pangangaratawan ngunit panay ang reklamo sa buhay kung minsan ginagamit pa sa kasamaan.